Është goditur një tjetër rast I ushtrimit të prostitucionit në një pikë masazhi në kryeqytet , më saktësisht në zonën e Unazës së Re. Operacioni policor I koduar ‘Flower’ është finalizuar duke çuar në pranga menaxheren e qendrës së masazhit , shtetasen 28 vjecare me iniciale M.H Për këtë veprimtari jo ligjore janë proceduar në gjendje të lirë edhe 5 shtetase të tjera , të gjitha punonjëse në këtë qendër masazhi, për të cilat nuk bëhet I ditur identiteti I tyre. Këtij operacioni nuk I ka shpëtuar edhe një tjetër shtetas me iniciale L.Q 48 vjeç nga Tirana . Gjatë hetimeve të kryera ka rezultuar se, shtetasi M. Xh., ishte personi qe administronte këtë qendër masazhesh, në Unazën e Re, person ky që ka mundur të arratiset duke u shpallur kështu në kërkim nga policia. Ky person në bashkëpunim me menaxheren shtetasen M. H., përveç aktivitetit të regjistruar ligjërisht si qendër masazhesh, ushtrohej edhe aktiviteti i kundërligjshëm i prostitucionit.