Presidenti ukrainas Volodymyr Zelensky ka formuar një delegacion ukrainas për të marrë pjesë në negociatat me partnerët ndërkombëtarë dhe përfaqësuesit e Federatës Ruse që synojnë arritjen e një paqeje të drejtë dhe të qëndrueshme. Mediat ndërkombëtare shkruajnë se Zelensky ka përcaktuar delegacionin dhe dekretin e ka publikuar në faqen e presidencës. “Për të formuar një delegacion ukrainas për pjesëmarrje në procesin e negociatave me partnerët ndërkombëtarë të Ukrainës, si dhe me përfaqësuesit e Federatës Ruse, për arritjen e një paqeje të drejtë dhe të qëndrueshme (2 qershor 2025, Stamboll, Republika e Turqisë)”, thuhet në dekret. Rustem Umerov ministri i Mbrojtjes i Ukrainës është emëruar kryetar i delegacionit. Sipas dekretit, ky i fundit me miratimin e Zelenskyt, mund të modifikojë përbërjen e tij dhe të angazhojë, në përputhje me procedurën, punonjës nga institucionet shtetërore, ndërmarrjet, organizatat (me pëlqimin e udhëheqjes së tyre), si dhe këshilltarë shkencorë dhe ekspertë (me pëlqimin e tyre), për të mbështetur punën e delegacionit.