42-vjeçari Rigels Kaso që u gjet I dhunuar me sende të forta pak ditë më parë në Bulevardin e Kasharit, ndërroi jetë në spitalin e Traumës. Ai nuk mundi të dilte dot nga koma për shkak të plagëve të shumta që kishte marrë në trup. 42-vjeçari dyshohet se u nxor në pritë nga 34-vjeçari Bajram Gjeleshi. Kjo pasi Kaso dyshohet se komunikonte në Instagram me bashkëshorten e tij. Kjo gjë ishte zbuluar nga ana e 34-vjeçarit, I cili përmes profilit të bashkëshortes e ftoi për takim 42-vjeçarin, e më pas e sulmoi atë duke I shkaktuar dëmtime të rënda në kokë. Rigels Kaso per një periudhë të gjatë ka punuar në klubin e futbollit Devolli, madje ka përfunduar disa kurse pranë sektorit të garave në FSHF përfshi këtu edhe atë të analistit. Në të njëjtën kohë Kaso ushtronte një aktivitet privat në qytetin e Bilishtit, kryesisht me riparime televizoresh dhe kamerash sigurie.