13 viktima dhe 99 raste të reja të koronavirusit; është ky bilanci më i fundit që vjen nga kosova. Nga gjithsej 406 mostra të marra 24 orët e shkuara, 99 prej tyre kanë rezultuar pozitive, thotë instituti kombëtar i shëndetit publik të kosovës duke shtuar më tej se numri i viktimave në këto 24 orë është 13. Kjo shifër më e fundit e ka cuar bilancin total të jetëve të humbura në kosovë që nga fillimi i pandemisë në 480. Ndërkohë, numri total i rasteve pozitive është 12547. Sipas institutit kombëtar të shëndetit publik janë shëruar po ashtu këto 24 orë 152 pacientë ndërkohë që numri i të përgjithshëm i të shëruarve, deri më sot, është 8657 raste ndërsa numri i rasteve aktive është 3410. Rastet më të shumta të koronavirusit vazhdojnë të konfirmohen në prishtinë, me 24 infektime të reja në 24 orët e shkuara, e pasuar nga komuna e Pejës, Gjilanit, podujevës, prizrenit etj. Një ditë më parë, kosova kishte raportuar për 10 viktima dhe 111 raste të reja.