Në Kosovë u raportuan të enjten 13 viktima nga koronavirusi dhe 562 raste të reja. Instituti Kombëtar i Shëndetësisë Publike njoftoi se tri viktima janë regjistruar në Prishtinë, dy në Mitrovicë dhe nga një viktimë është regjistruar në tetë komuna të tjera të Kosovës. Viktimat e 24 orëve të shkuara, janë të gjithë nga mosha 60 deri në 83 vjec. Rastet e reja pozitive, ndërkaq, rezultuan nga testimi i 1,595 mostrave. Numri më i madh i infektimeve vjen sërish nga prishtina, gjithsej 223. Në 24 orët e fundit, Instituti po ashtu tha se 761 pacientë janë shëruar nga koronavirusi. Me shifrat e fundit, numri i përgjithshëm i të infektuarve në Kosovë arrin në 45,004. Prej tyre, 1,161 pacientë kanë vdekur dhe 31,802 janë shëruar. Raste aktive aktualisht janë 12,041. Prej ditësh, numri i viktimave dhe rasteve të reja të koronavirusit në kosovë duket sikur është stabilizuar