Ka përfunduar evidentimi i dëmeve të shkaktuara nga zjarri i 11 gushtit ku u prek njësia e Skënderbegasit në Gramsh, ndërsa pati dhe viktima e të plagosur. Sipas të dhënave të ekipeve të punës, 68 banesa janë djegur. 10 prej tyre totalisht për të cilat kërkohet rindërtim i plotë, 16 rikonstruksion i pjesshëm, 42 banesa të tjera të dëmtuara kanë qenë shtëpi sezonale ose të pabanueshme, raporton Top Channel. Po ashtu nga flakët janë dëmtuar dhe pajisjet elektroshtëpiake si dhe mobiljet të cilat po ashtu janë përfshirë në listën e dëmeve. Për shkak të zjarrit në këto fshatra ngordhën 215 bagëti të imta, 9 gjedh dhe 7 njëthundrakë. Nga flakët në total u shkrumbuan 44 mijë hetkarë me ullinj, 11 mijë hetarë me rrush1451 hektarë bimë medicinale, dhe 9.5 hektarë pemë frutore dhe arrorë. ndërsa sa I takon dëmeve në pyje, autoritetet ende nuk ke kanë një shifër ekzakte pasi po vijon verifikimi përmes pamjeve satelitore. Pas evidentimit të dëmeve faza e dytë e këtij procesi përfshin përllogaritjen financiare të tyre. Bashkitë e qarkut ndërkohë kanë nisur të miratojnë fonde ndihme ndaj Gramshit, e po ashtu qeveria shqiptare.