Luizi është një nga banorët më të komentuar, jo vetëm për lojën që ka zgjedhur të luajë por edhe me historinë e dashurisë me Kiara Titon. Luizi nuk ka munguar as në protestën e opozitës të zhvilluar këtë të premte para kryeministrisë. Fansat e konkurrentit të Big Brother VIP, kanë përgatitur një banderolë për Luizin, të cilën e kanë ngritur n në protestën kombëtare. Edhe në këtë protestë u ndje efekti i spektaklit më të ndjekur në Shqipëri dhe jo vetëm. Banderola ‘Luizi, kryeministri I ardhshëm’, ka fluturuar në qiell para gjithë protestuesve. Mbështetës së opozitës me në krye Sali Berishën kanë nisur marshimin nga selia blu drejt Kryeministrisë. Protesta zhvillohet njëkohësisht me gjyqin në Apel për vulën e Partisë Demokratike, ku do të vendoset ligjërisht nëse në krye të partisë më të madhe opozitare është Sali Berisha apo Enkelejd Alibeaj.