Vladimir Putin ka pretenduar se trupat e tij kanë pushtuar qytetin e rëndësishëm të Pokrovskut në Ukrainë, përpara negociatave vendimtare për paqe. Ushtarët rusë u fotografuan duke valëvitur flamurin rus në qytet, pavarësisht se Kievi hodhi poshtë pretendimet se fusha e betejës në vijën e frontit në Donetskun lindor ka rënë. Zyrtarët e Forcave të Armatosura të Ukrainës pranuan të hënën se situata në terren është "e vështirë", por thanë se trupat "vazhdojnë të frenojnë ofensivën e armikut". Korpusi i 7-të ushtarak thotë se ata ende po luftojnë në qytetin e rrethuar dhe po mbajnë pjesën veriore të tij. Korpusi i 7-të i Reagimit të Shpejtë i trupave sulmuese ajrore i tha gjithashtu Reuters se po kryen sulme në jug të qytetit duke shënjestruar trupat ruse. Beteja e ashpër për Pokrovskun vazhdon prej për më shumë se 18 muajsh. Ushtria e Putinit ka shtuar presionin për të pushtuar qytetin në javët e fundit për të siguruar një fitore "simbolike" para dimrit. Putin thuhet se ka hedhur rreth 200,000 trupa në betejën për të marrë kontrollin e zonës kyçe të luftës. Etja e tij për territor ka ardhur megjithatë me një kosto të madhe, me ushtrinë ukrainase që thotë se të paktën 135 mijë ushtarë rusë janë vrarë në betejë. Ukraina ka qenë e vendosur ta mbajë qytetin pasi ai vepron si një barrierë mes ushtrisë ruse dhe dy qyteteve më të mëdha të mbetura në Donetsk. Nëse Pokrovsku ka rënë në duart ruse, atëherë kjo i jep Moskës një platformë për të lëvizur në veri drejt Kramatorskut dhe Slovianskut. Rusia pretendoi për herë të parë se e kishte pushtuar Pokrovskun të hënën pas vizitës së Putinit në vijën e frontit një ditë më parë. Duke folur i veshur me uniformë ushtarake, Putin përshëndeti fitoren "e rëndësishme" dhe falenderoi ata që kanë luftuar për marrjen e qytetit.