Rusia ka akuzuar një nëndetëse amerikane se ka hyrë në ujërat e saj ndërkohë që Vladimir Putin po shtyn perëndimin në prag të luftës së tretë botërore, në Ukrainë. Ministria ruse e mbrojtjes tha se një nëndetëse e klasit Virginia hyri në ujërat e saj territoriale pranë Urupit, dhe injoroi kërkesat për të dalë në sipërfaqe. Sipas raporteve, nëndetësja u largua nga zona vetëm pas masave të posacme të marra nga marina ruse. Ministria tha se kishte thirrur atasheun ushtarak amerikan në moskë në lidhje me incidentin. Nëndetëset e klasit Virxhinia, përdoren kryesisht për operacione të mbledhjes së inteligjencës. Nëndetëset e marinës amerikane janë bërthamore dhe të pajisura me raketa kruiz që mund të sulmojnë shpejt nëndetëset armike. Nëndetësja, sipas raporteve ka kaluar në ujërat afër ishujve Kuril në paqësor, ku Rusia ka kryer stërvitje ushtarake këto kohë. RRjeti i ishujve në paqësor, që u morën nga bashkimi sovjetik në fund të luftës së dytë botërore, pretendohet edhe nga Japonia. Stërvitjet e fundit ruse në ishuj u zhvilluan në nëntor të vitit të kaluar. E gjithë kjo ndodh ndërsa amerika ka premtuar një reagim të vendosur dhe masiv ndaj një pushtimi të mundshëm rus, pas raporteve se ky i fundit mund të ndodhë të mërkurën.