Sulmet ajrore të Shteteve të Bashkuara këtë javë ndaj shënjestrave të lidhura me Iranin në Siri, janë kryer për të mbrojtur personelin amerikan, ka thënë presidenti i Shteteve të Bashkuara, Joe Biden. Ai i ka bërë këto komente më 25 gusht, në një letër që i ka dërguar udhëheqëses që Dhomës së Përfaqësuesve në SHBA, Nanacy Pelosi. Në letër, Biden ka thënë se ka urdhëruar sulmet “për shkak të përgjegjësisë që të mbrojë shtetasit e SHBA-së në shtëpi dhe jashtë saj”. Zyrtarët lokalë ushtarakë kanë thënë se ushtria amerikane ka qëlluar disa shënjestra më 25 gusht në qytetin sirian, Mayadin që gjendet në provincën, Deir al-Zor. Milicitë iraniane kanë prezencë të madhe aty dhe shpesh kanë kryer sulme afër një zone nafte në al-Omar, ku e ka bazën koalicioni amerikan. Në 24 orët e fundit, ushtria amerikane kanë thënë se katër militantë janë vrarë dhe shtatë raketa-hedhëse janë shkatërruar.