Administrata Biden do ti kërkojë zyrtarisht kongresit të miratojë një shitje armësh me vlerë 1.1 miliardë dollarë për Tajvanin. Sipas mediave amerikane, paketa përfshin edhe raketa anti anije dhe 100 raketa ajër ajër përvec zgjatjes së një kontrate për mbikqyrjen me radarë. Lajmi vjen ndërkohë që Kina vazhdon të dërgojë cdo ditë luftanije dhe aeroplanmbajtëse në ngushticën e Tajvanit, pak javë pas vizitës së kryetares së dhomës së përfaqësuesve në SHBA, Nensi pelozi. Lajmi ndërkohë ka zemëruar jo pak kinën e cila ka reaguar menjëherë. “SHBA duhet të ndërpresin menjëherë shitjen e armëve për Tajvanin si edhe cdo kontakt ushtarak me ishullin që dhunon parimin e një kine të vetme. Zëdhënësi i ambasadës kineze në Uashington ka nënvizuar po ashtu se SHBA duhet të heqë dorë nga krijimi i faktorëve që mund të cojnë në rritje tensionesh në ngushticë dhe duhet të respektojë angazhimin e mëhershëm sipas të cilit SHBA nuk mbështet pavarësinë e Tajvanit.