Trupat e Putinit duket se janë kapur të papërgatitur nga paraushtarakët rusë që luftojnë për Ukrainën, që thanë një ditë më parë se kishin nisur një sulm në tokë ruse dhe kishin pushtuar një fshat. Tre grupe hynë në rusi nga kufiri ukrainas, të martën, në një sulm të paprecedent në dy drejtime dhe më pas, u betuan se do të marshonin drejt Moskës. Luftëtarët nga Legjioni i Lirisë së Rusisë, Batalioni Siberian dhe Korpusi i Vullnetarëve Rusë thanë se ishin angazhuar në beteja të ashpra me trupat ruse në rajonet e Belgorodit dhe Kurskut. Në fillim të sulmit të tyre të udhëhequr nga tanket, Legjioni i Lirisë së Rusisë u zotua se do të "marrë tokën e tyre nga regjimi, centimetër pas centimetri".Legjioni më vonë pohoi: "Fshati Tetkino, rajoni i Kurskut, është plotësisht nën kontrollin e forcave çlirimtare ruse. "Ushtria e Putinit po largohet me shpejtësi nga fshati, duke lënë pas pozicionet dhe duke braktisur pajisjet e rënda."