E gjatë 272 kilometra, Vjosa njihet si "një nga lumenjtë e fundit të egër në Evropë". I çmuar për biodiversitetin e tij, lumi përshkon Shqipërinë nga lindja në perëndim. Por, atij, shkruan AFP, i kanoset një rrezik. Megjithëse autoritetet shqiptare e kanë shpallur "zonë të mbrojtur", ambientalistët dhe banorët kanë frikë se planet për ndërtimin e digave dhe hidrocentraleve mund të dëmtojnë ekosistemet e lumit. Aktivistët mendojnë se po mbaron koha për ta shpëtuar atë. “Nëse ndërtohen digat, biznesi im merr fund. Unë do detyrohem të kthehem në emigracion bashkë me familjen, pasi këtu s’do kem mundësi tjetër për të mbijetuar.” "Vjosa konsiderohet si një nga zonat me përparësi për biodiversitetin dhe ekosistemet e ujërave të ëmbla në Evropë." "Ne këtu kemi lindur, këtu jemi rritur dhe nuk duam që Vjosa të preket. Gjithçka do të përmbytej dhe ku do të shkonim, ku do të jetonim? Ne nuk duam që të na e marrin Vjosën". "Statusi i parkut kombëtar do të garantonte mbrojtje ligjore afatgjatë për ekosistemet e Vjosës dhe do të parandalonte zhvillimin e çdo dige, aeroporti a projekteve të tjera që kërcënojnë mjedisin." "Statusi i zonës së mbrojtur do të ofronte njëfarë sigurie për Vjosën, por nuk do përjashtonte rreziqet e ndërtimit të digave." Dhe ky rrezik, mishërohet në planin për të ndërtuar një digë hidroelektrike të lartë 50 metra. Një firmë turko-shqiptare ka të drejtat për projektin, dhe ky do të ishte hapi i parë shkatërrues për të ndryshuar rrjedhën prej rreth 200 kilometrash të pjesës shqiptare të lumit. Diga do të përmbyste zonat e mbushura me specie të rralla të kafshëve dhe bimëve, do zhdukte tokat bujqësore, do dëmtonte jetesën e peshkatarëve dhe do detyronte mijëra banorë të linin shtëpitë e tyre. Për të shmangur këto, ata kanë përfshirë në kauzën e tyre edhe personazhe të rangut të parë, si Leonardo DiCaprio.