Mijëra besimtarë të kërishterë pritën festën e Pashkës në kisha e katedrale në meshat e posaçme që u mbajtën për hir të kësaj feste e masazhit që ajo përcjell. Në kryeqytet meshat u mbajtën në Katedralen Katolike "Shën Pali" dhe në Katedralen Ortodokse "Ngjallja e Krishtit" në Tiranë. Në Katedralen Katolike ‘Shën Pali’, foli Arqipeshkvi I ri i kësaj kishe imzot Arjan Dodaj, I cili përcolli mesazhin e kësaj feste për paqe e kundër luftërave e konflikteve. Ndërkohë krahas lutjes së tij, kreu I kishës Ortodokse, Joani, risolli në kujtesë e lutje paraardhësin e tij të ndjerë, Anastas Janullatos, I cili u nda nga jeta këtë vit. Sipas traditës, ndryshe nga besimtarët katolikë, besimtarët ortodoksë marrin dritën pas kremtimit dhe e çojnë atë në shtëpitë e tyre, si një simbol të ringjalljes dhe shpresës. Por këtë vit Pashkët e të gjithë besimtarëve të krishterë qofshin këta katolikë, ortodoksë apo edhe protestantë, përkojnë në të njëjtën ditë.