Sali Berisha do të paraqitet të hënën në SPAK për të tretën herë pas vënies nën akuzë për çështjen e privatizimit të klubit sportive Partizani. Ai do të paraqitet në orën 10:00, për tu paraqitur para oficerit të policisë gjyqësore, pasi gjykata e Apelit riktheu ndaj tij jo më masën arrest shtëpie, por atë të detyrimit të paraqitjes. Masë të cilën në fillim të hetimeve Berisha e kundërshtoi. Berisha do të paraqitet dy herë në muaj, të hënën e parë dhe atë të fundit të muajit. Vendimi iu caktua nga gjyqtari Engert Pëllumbi në seancën e datës 3 janar, ku prokurorët e çështjes kërkuan rikthimin e arrestit në shtëpi për ish-kryeministrin e vendit. Po këtë të hënë Sali Berisha do te presë edhe vendimin mbi fatin e dosjes Partizani nëse ajo do t/I nënshtrohet gjykimit apo jo. Së Bashku me Berishën, I pandehur është marrë dhe dhëndri I tij Jamarbër Malltezi si dhe ndërtuesi, Fatmir Bektashi, noterja, Andia Pustina dhe Xhimi Begeja.