Për Sali Berishën, SPAK-u është edhe ëngjëll, edhe djall. Pas deklaratave të ashpra në dyert e prokurorisë së posaçme ku u paraqit për dosjen ‘Partizani’; Berisha iu drejtua selisë blu, ku veshi petkun e mbrojtësit të gjyqtarëve dhe i drejtoi gishtin e akuzës Edi Ramës për presion ndaj gjyqësorit dhe mashtrime publike në mbrotje të Belinda Ballukut. “Nuk ka asnjë dokument të Venecias që të thotë se pezullimi i një ministri është shkelje e palejueshme e kufirit ndarës midis pushteteve. Asnjë ministër nuk ka marrë mundimin të ankohet pas pezullimit në gjykatë, por ka dhënë dorëheqjen. Kanë dhënë dorëheqjen.Unë i bëj thirrje t’i hapin padi penale për presionin që bëri ndaj gjykatës. Mashtrues, shumë e shumë raste në Europë. A ka turp ky njeri? I ka plasur cipa nga tmerri.” Kryedemokrati Berisha hodhi poshtë pretendimet e Edi Ramës duke shpjeguar se ministri emërohet me akt administrativ, nuk është i zgjedhur nga populli, ndaj dhe drejtësia mund të vendosë masën e pezullimit.