Ish-kryeministri Sali Berisha është thirrur nga SPAK për tu paraqitur këtë të martë në orën 10. Mësohet se ish-kryeministri Sali Berisha, do të paraqitet lidhur me kallëzimin e bërë nga gjyqtarja Irena Gjoka, për shpifje, teksa mosparaqitja e tij paarsye do të sillte nevojën për shoqërim të detyrueshëm. "Paraqitja e shtetasit të mësipërm kërkohet me qëllim pyetjen e tij si person që ka dijeni për rrethanat e hetimit, të lidhur me hetimet paraprake të procedimit penal Nr. 193 viti 2024, të Prokurorisë së Posaçme kundër Korrupsionit dhe Krimit të Organizuar. Në ras mosparaqitje në ditën dhe orën e caktuar, pa pasur pengesa të ligjshme, në bazë të nenit 312 të Kodit të Procedurës Penale, personi i njoftuar paralejmërohet se do të urdhëroet shoqërimi i detyrueshëm", thuhet në fletëthirrjen që mban firmën e prokurorit të çështjes Elvin Gjokaj.