Gjatë replikës në Kuvend me Taulant Ballën, kryetari i Partisë Demokratike lexoi të tjera përgjime, që sipas tij, janë në dosjen e SPAK për lidhjet e deputetit socialist me grupet kriminale në Elbasan. Deklarata e plotë e Berishës: Së pari, të dashur qytetarë, siç e shihni, këta kanë marrë fund. Ai deklaron se do dalë dëshmitar për Edi Ramën, ky tjetri flet në emër të tij për PS. Jeni katandisur aty ku e meritoni. Por unë, meqë ky tha nuk quhem Tao, por quhem Krenar, do u lexoj pak disa rreshta prej tij. Daupaj: Nuk do i bëj nder Ballës unë. Çela: Këto ditë po më pyet, do jetë prapë Balla, apo do jesh ti? Vladi: OK, se flas unë, por të na tregojë mënyrën se si do ta mbyllë? Çela: Nga Tao, Tao. Dhe thotë se i ka në rregull letrat. Çela: Se bundra luan edhe me Taon. E kuptoni ju sa e rëndë është kjo? Se kush është ajo, ia dredh edhe Taos. Çela: Jo, bundra kësaj radhe do ia marrë... Të lutem, ky është fjalor me shkrim. E ka përdorur vetë ai. Çela: I dola borxhit Taos. Ja pra kush u përfaqëson ju. Ja kush del krenar para jush. Po si jeni kështu mo, si ka mundësi? “Dakord, do ta pengoj unë, i dola borxhit”.