Ish kryeministri Sali Berisha paralajmëroi se amnistia fiskale mund të ketë pasoja katastrofale për rendin, sigurinë dhe biznesin në Shqipëri. Në konferecën e përjavshme me gazetarët, Berisha e konsideroi ligjin për amnistinë fiskale, si një legalizim të parave të personave të inkriminuar. Ka qëllim kryesor të legalizojë paratë e krimit, pasi ju e keni të qartë se nuk ka shqiptar të ndershëm i cili me punën shtesë që mund të bëjë, me punën e ndershme, qoftë edhe të paregjistruar, të mund të sigurojë 2 milionë euro kursime, është gjithçka që ka vetëm një synim që “çunat” të legalizojnë paratë e krimit dhe ne jemi kategorikisht kundër saj. Ndërkohë, vjedhja vazhdon non stop. Këshilltari i ministres të ndërtimeve publike më të kushtueshme në Europë dhe në Botë, Belinda Balluku, i tenderave me 99.99%, një Berberi, rezulton se ka rritur fitimin e kompanisë së tij, duke e shitur dhe blerë atë në 4 muaj, 600 herë.