Kryedemokratike Sali Berisha mblodhi aktorët politikë në vend dhe përfaqësuesit e shoqërisë civile për të krijuar një front të përbashkët opozitar, me të cilin do të koordinohet aksioni i revoltës për rrëzimin e Ramës nga pushteti. Berisha: “Ndaj dhe ne në këtë moment kritik për vendin, ndër më kritikët, mendoj se duhet të ngrihemi, duhet të ngrihemi në një përpjekje të madhe qytetare për të larguar nga pushteti këtë bandë, këtë organizatë kriminale, me në krye Edi Ramën. Ideja se mund të vijnë të na e heqin nga jashtë është e gabuar. Ideja se mund të hiqet me procese gjyqësore është po kaq e gabuar, sepse ai bllokon. Ai do përdorë pushtetin me të gjitha forcat për të mbrojtur krimet e tij. I vetmi që nuk mund t’i shpëtojë dot është gjykatësi popull.” Berisha deklaroi se qeveria teknike është parakusht i rëndësishëm për mbajtjen e zgjedhjeve të lira dhe të ndershme në Shqipëri.