“Gënjeshtra dhe shpifja sado që të përsëriten, nuk bëhen as më të besueshme, as më të bukura; e kundërta ndodh me to”, kështu e nis reagimin e tij ish-kryeministri Sali Berisha, ndaj zëvendës ndihmës sekretarit amerikan të shtetit Gabrial Escobar, I cili deklaroi të martën se vendimi nongrata nuk është vendim politik, por institucional, I bazuar në informacionet e mbledhura. Nëpërmjet një postimi në rrjetet sociale, Berisha shprehet:”Shpallja ime non grata 8 vite pasi kisha hequr dorë nga çdo rol udhëheqës dhe vendimmarrës në Partinë Demokratike, por me një autoritet moral mes demokratëve dhe në shoqërinë shqiptare, kishte dhe ka si qëllim kryesor të ndihmohej qeveria e Edi Ramës, e cila është me e korruptuara në Europë, dhe të dëmtohej opozita shqiptare e të përbaltej trashëgimia e saj 30 vjeçare.” Ai e konsideron si një hakmarrje politike për shka të qëndrimit të tij kundër George Soros.