Në listat zyrtare të dorëzuara në Komisionin Qëndror të Zgjedhjeve, Partia Demokratike ka huazuar tek partitë aleate disa prej kandidatëve të saj. Edhe pse si forca politike, këto subjekte, janë pothuajse fantazma, PD ka vendosur që t’I dëmshpërblejë për “besnikërinë”. Manovra ka për qëllim që këto parti të përfitojnë në fund të zgjedhejve të 11 Majit fonde publike. Lëvizjet nisin nga Qarku I Dibrës, ku Denisa Vata edhe pse kryetare e degës në Mat, është regjistruar si pjesë e partisë Lëvizja Legaliteti. Ndërkohë në Tiranë, Klevis Balliu rezulton si pjesë e Frymës së Re Demokratike , kurse kru I FRPD, Besart Xhaferri është regjistruar si kandidat I Ballit Kombëtar Demokrat. Të njëjtat lëvizje janë bërë dhe në Shkodër e Vlorë, ku GRETA Bardeli do të jetë pjesë e Partisë Demokristiane, ndërsa Atir Hoxha I Ballit. Këta kandidatë janë pjesë e listave të mbyllura, dhe në rast se fitojnë mandatin, të gjitha këto subjekte të vogla politike do të përfitojnë të ardhura nga KQZ. Pra një nder ky që Berisha po u bën të gjithë aleatëve të koalicionit PD aleanca për shqipërinë madhështore.