Ish-krymeinistri Sali BErisha ka zhvilluar këtë të shtunë një bashkëbisedim me qytetarët, duke marrë sugjerime e pyetje të ndryshme për askionin opozitar. Duke u ndalur tek protestat, Berisha paralajmëroi se do të fillojnë së shpejti, teksa justifikoi edhe shtyrjen e tyre. Protesta janë rruga për të cilat është përcaktuar Fronti për Shpëtimin e Shqipërisë. Ju garantoj se do të fillojnë shumë shpejt. Mund të jenë shtyrë, por edhe shtyrja e tyre bëhet për shumë aspekte, e padurueshme. Protestat e gjithanshme do jenë rrugë për të rikthyer në Shqipëri, shpresën, votën e lirë dhe për të dalë nga ky regjim absolutar, sot i vetmi në Europë pas atij të Putinit dhe Lukashenkos. Duke u ndalur tek zgjedhjet, Berisha premtoi se do të bëhet gjithçka për votën e emigrantëve. Ne do bëjmë gjithçka që diaspora shqiptare të votojë në zgjedhjet e ardhshme. Por do bëjmë gjithçka për një bashkëpunim sa më të ngushtë me diasporën shqiptare.