Në ditëlindjen e 81-të Sali Berisha zhvilloi mbledhjen periodike të grupit parlamentar demokrat, ku komentoi raportimin e Altin Dumanit para deputetëve në Komisionin e Ligjeve. Ai akuzoi kreun e SPAK si armik të opozitës. Ti je një armik i egër i pluralizmit politik në Shqipëri. Je një bastard, një Aranit Çelë në llojin tënd. Prisni një minutë, kemi arrestuar apo kemi bërë 35 zyrtarë. Ndalemi pak. Tre liderët e partive kryesore opozitare. Asnjë zyrtar të partisë së krimit. Erion Veliajn e arrestuat për llogari të Edi Ramës. Atë e ka marrë vesh tani çdo njeri. Dhe nuk kanë turp dhe dalin e flasin. Sipas Berishës, me refuzimin për të hetuar krimet zgjedhore të 11 majit, Altin Dumani po u del kundër gjetjeve të ndërkombëtarëve. Megjithëse shpesh dje ai u bë gati të largohej se nuk i përballonte dot të vërtetat. Po sigurisht se po të vish si armik i atij sistemi për të cilin kanë vdekur shqiptarët, i lirive të tyre të votës, a e dini ju sa padi janë bërë në SKAP? Mbi 100 vetëm për zgjedhjet. Ky injorant, i turpshëm. Po të lexojë raportin e ndërkombëtarëve. Raporti thotë që në fillim se u përdorën resurset shtetërore në kundërshtim me ligjin për votat. Ish- kryeministri theksoi se Dumani fle mbi dosjet e krimit dhe heton vetëm sipas urdhrave politikë