Kryedemokrati, Sali Berisha zbuloi prapaskenat e firmave të hedhura nga demokratët për të mbështetur Endri Shabanin për Avokat Populli. Unifikimi opozitar për kandidaturën e Flor Binajt për Tiranën është bërë shkak që opozitarët të nënshkruanin mbështetjen ndaj Shabanit. “Unë nuk them që nuk i mori firmat Endri Shabani. I mori në një periudhë Endri Shabani kur ai mbështeti Florian Binën, se nuk mund të them që nuk ishte një koalicion moral i plotë i të gjitha forcave politike. Por pastaj dolën një seri problemesh që faktuan se ai që kishte atë fjalor si opozitar i opozitës, nuk ishte vetëm kaq, por ishte një person me lidhje kryekëput me Edi Ramën.” Pavarësisht qëndrimit se asnjë kandidat për Avokat Populli nuk duhet t’i kalonte seancës pas tërheqjes së firmave; Berisha deklaroi se kjo çështje nuk do i shkojë Gjykatës Kushtetuese.