Në të njëjtën ditë kur Gjykata Kushtetuese rrëzoi pretendimet e ish kryeministrit Sali Berisha lidhur me masën fillestare të sigurisë të caktuar ndaj tij nga Gjykata e Posaccme antikorrupsion, Gjykata e Lartë regjistroi rekursin e paraqitur nga mbrojësit e tij ligjor, për revokim të masës. Përvecc Berishës, edhe dhëndri i tij Jamarbër Malltezi ka të njëjtën kërkesë në shkallën e tretë të gjyqsorit. Regjistrimi i rekursit u bë në datë 21 nëntor, ku gjyqtar relator do të jetë Sokol Binaj, i cili ende nuk ka caktuar datën apo orën se kur do mbahet seanca për shqyrtimin e kësaj kërkese. Bashkëlidhur kërkesës për revokim të masës ‘arrest në shtëpi’, Berisha dhe Malltezi kërkojnë edhe informacionin dy mujor të organit të akuzës SPAK. Malltezi prej 1 viti mbahet i izoluar në banesë për hetimet e dosjes së privatizimit t ëish klubit sportiv Partizani, ndërsa vjehrri i tij u la në të njëjtën masë sigurie rreth një muaj më vonë në datë 30 dhjetor të vitit të kaluar , pasi ky i fundit nuk respektoi masën e parë, atë të detyrimit për tu paraqitur pranë oficerit të policisë gjyqsore. Gjykata Kushtetuese e cilësoi jo kushtetuese masën e ndalimit për të dalë jashtë vendit për Berishën, por nuk mbajti të njëjtën qëndrim për detyrimin e paraqitjes, ndërsa tha se për masën arrest në shtëpi do shprehet në një moment të dytë. Në datë 25 nëntor, në Gjykatën e Posaccme do zhvillohet seanca paraprake, ku gjyqtarja Fjorela Davidhi do shqyrtojë kërkesën e SPAK për kalimin ose jo për gjykim të dosjen Partizani, hetime të cilat përfunduan në muajin shtator.