11 maji për kryetarin e Partisë Demokratike shënon ditën e ndarjes së dy epokave. Në takimin përmbyllës të fushatës me qytetarët e Korçës, Sali Berisha i drejtoi gishtin e akuzës Ramën për panoramën ekonomike të vendit, duke u zotuar për të ndërmarrë një sërë reformave për rimëkëmbje. “4 ditë na ndajnë nga një ditë e cila në të vërtetë për ne shqiptarë ndan dy epoka: ndan epokën në të cilën ne, një populli vuajtur në diktaturën më staliniste, në rrugën tonë të lirisë, patëm një aksident si asnjë komb tjetër. Përjetuam 12 vite narkoditaturë. Përjetuam në 12 vite vendosjen e një regjimi, i cili bëri gjithçka për të shtypur në Korçë dhe në Shqipëri pluralizmin, për të shtypur në Korçë dhe në Shqipëri opozitën. Bëri gjithçka për të plaçkitur korçarët dhe shqiptarët. Bëri çdo gjë për t’i përzenë ata nga vendi i tyre.”