Studentët dhe qytetarët kanë vijuar protestat duke bllokuar rruget në Serbi, për të katërtën ditë radhazi. Protestuesit kanë kërkuar mbajtjen e zgjedhjeve të jashtëzakonshme, lirimin e studentëve të arrestuar dhe heqjen e kampit me çadra, që zyrtarët e Partisë Përparimtare Serbe (SNS) kanë ngritur mes ndërtesës së Presidencës dhe asaj të Kuvendit në Beograd. Sipas mediave vendase, shumë rrugë janë bllokuar, ndërsa më shumë se 30 linja të kompanisë së transportit të qytetit nuk po funksionojnë. Studentët që bllokojnë fakultetet vazhdojnë t'u bëjnë thirrje qytetarëve të mos binden dhe të bllokojnë rrugët. Në pamundësi për ti ndaluar, Presidenti serb, ka nxjerrë në sheshe dhe rrugë xhandarmërinë.