Kryebashkiaku i Shkodrës, Benet Beci u paraqit këtë të premte në Prokurorinë e Posaccme për t’u njohur nga organi i akuzës me mbylljen e hetimeve në lidhje me një tender të dhënë nga KESh në vitin 2019, kur ai drejtonte korporatën. Beci u mor i pandehur nga SPAK nëntë muaj më parë me akuzën e shkeljes së barazisë në tendera për procedurën me vlerë 685 mijë euro për zhvillimin strategjik në sektorin energjitik. Hetimet për këtë tender nisën nga SPAK pas disa të dhënave të gjetura në telefonin e Evis Berberit, ish drejtuesit të ARRSH. Për këtë çështje është e akuzuar edhe bashkëshortja e Ervis Berberit. Në këtë dosje janë nën akuzë edhe gjashtë persona të tjerë, përfshirë këtu anëtarët e komisionit të vlerësimit të ofertave. Ata dyshohet se kanë fryrë kostot e tenderit si dhe kanë ndryshuar kriteret për të paracaktuar fituesin.