Me pranga në duar dhe I shoqëruar nga punonjës policie, Fredi Beleri u paraqit në Gjykatën e Fierit për të kërkuar lirinë me kusht. Por seanca ndaj tij u shty për në 2 shtator, edhe pse drejtoria e burgjeve paraqiti raportin ndaj Fredi Belerit. Vendimi u kundërshtua nga avokati mbrojtës, I cili ngriti pretendimet edhe njëherë se klienti I tij po mbahet në burg nga kryeministri Edi Rama. Në gjyq Beleri nuk foli, ndërsa gjyqtari Alfred Konomi kërkoi dhe një raport vlerësimi nga shërbimi I Provës. Kërkesa e Belerit për liri me kusht vjen pas betimit të tij si eurodeputet në Parlamentin Europian. Beleri udhëtoi drejt Athinës e më pas drejt Strasburgut pas lejes pesë ditore që mori nga Drejtoria e përgjithshme e Burgjeve, ku mori pjesë në punimet e Parlamentit Europian. Ai ndodhet që prej muajit maj të 2023 pas hekurave dhe u dënua me 2 vite për korrupsion zgjedhor në zgjedhjet lokale të 14 majit.