Në një reagim për mediat në Kosovë, Komisioni Europian është shprehur se është për të ardhur keq që partitë politike nuk e kapërcyen bllokadën politike disa mujore pas zgjedhjeve parlamentare të shkurtit. Po ashtu, kanë nënvizuar edhe dështimin për miratimin në Kuvendin e Kosovës planin e Reformës dhe të Rritjes që do t’i siguronte miliona euro Kosovës. “Është për të ardhur keq që partitë politike nuk kanë qenë në gjendje deri më tani të bien dakord”, është shprehur një zëdhënës I Komisionit Evropian.