Udhëheqësit e BE-së janë mbledhur në Bruksel për të diskutuar mënyrat për të rritur rrënjësisht mbështetjen ushtarake dhe financiare për Ukrainën mes thirrjeve që shtetet anëtare t'i kthejnë ekonomitë e tyre në ekonomi lufte. E nxitur nga ajo që një diplomat tha se ishte një “ndjenjë e re e urgjencës” mbi luftën në Ukrainë, retorika ndaj Moskës është ashpërsuar dukshëm në ditët e fundit. Liderët pritet të shqyrtojnë gjithashtu planet e diskutueshme për të konfiskuar miliarda euro interesa nga asetet e ngrira ruse dhe për të dërguar pjesën dërrmuese të parave në Ukrainë. Charles Michel, presidenti i Këshillit Evropian, tha në një letër para samitit drejtuar liderëve: “Tani që po përballemi me kërcënimin më të madh të sigurisë që nga Lufta e Dytë Botërore, është koha që të ndërmarrim hapa radikalë dhe konkretë për të forcuar mbrojtjen dhe për ta kthyer ekonominë e bllokut në një ekonomi lufte”.