Komisioni Evropian po i përgatit shtetet anëtare për mundësinë e përdorimit të masave hakmarrëse në mosmarrëveshjen për tarifat midis BE-së dhe SHBA-së, sipas burimeve diplomatike.Përfaqësuesit e Komisionit informuan shtetet anëtare të mërkurën rreth progresit të negociatave me SHBA-në, duke u paraqitur atyre një listë faktesh që përshkruan hapat e ndryshëm të procesit të vendimmarrjes të nevojshëm për të aktivizuar instrumentet e mbrojtjes tregtare, të konsideruara si ‘opsioni bërthamor’. Masat do t'i mundësonin BE-së të kufizonte aksesin në prokurimin publik, licencat ose të drejtat e pronësisë intelektuale për shërbimet nga një vend i tretë.Një nga burimet tha se duket se ka një shumicë të gjerë midis shteteve anëtare që kërkojnë vendosjen e instrumentit anti-detyrim në rast të një skenari pa marrëveshje. Dhe takimi mes presidentit francez Emmanuel Macron dhe kancelarit gjerman, Friedrich Merz, në berlin, ishte vendimtar për këtë cështje. Sipas burimeve, Komisioni po punon për masa hakmarrëse që synojnë shërbimet dixhitale dhe financiare të SHBA-së nëse nuk arrihet një marrëveshje deri më 1 gusht. Diplomatët e BE-së konfirmuan se Komisioni dhe administrata amerikane po diskutojnë një tarifë bazë prej 15% për importet e BE-së me disa përjashtime, por thanë se negociatat ishin në faza të hershme, larg finalizimit.