Zëdhënësi i Bashkimit Europian, Peter Stano dënoi ashpër sulmin terrorist në Zveçan ku mbeti i vrarë polici, Afrim Bunjaku, duke theksuar se është ende duke u punuar për të saktësuar faktet dhe autorët e sulmit. Stano: “Hetimet janë ende në vazhdim. Ne duhet të gjejmë rrugën për të dalë nga krizat e vazhdueshme dhe të kthehemi në zgjidhjen e problemeve përmes dialogut, sepse deeskalimi është urgjentisht i nevojshëm dhe kjo u evidentua në një mënyrë shumë të dhimbshme në ngjarjen e 24 shtatorit. Bashkimi Evropian ka një qëndrim shumë të qartë, masat e vendosura ndaj Kosovës nuk janë sanksione pasi ne po përdorim termin sanksione në terminologjinë e BE-së. Nuk ka sanksione, nuk ka kornizë për masa kufizuese. Janë masa jo kufizuese. Janë masat që BE-ja mori si përgjigje ndaj paaftësisë së njërës palë për të përmbushur pritshmëritë për të deeskaluar situatën.”