Shefi i diplomacisë shqiptare, Igli Hasani po zhvillon një vizitë dy ditore në Kuvajt, të cilën e filloi me një takim Sheikh Fahad Yousef Saud Al-Sabah, Zëvendëskryeministër i Parë dhe Ministër i Brendshëm i Kuvajtit, ku u diskutua rreth zhvillimeve rajonale dhe forcimit të bashkëpunimit në organizatat ndërkombëtare. Gjatë takimit me homologun e tij, Abdullah Ali Al-Yahya, dy ministrat theksuan lidhjet e forta mes Shqipërisë dhe Kuvajtit. Shqipëria ka shpehur gatishmërinë për investimet direkte kuvajtiane, veçanërisht në energji, infrastrukturë, bujqësi dhe teknologji të avancuar. Gjithashtu, u nënshkrua një Memorandum Mirëkuptimi për rritjen e bashkëpunimit mes akademive diplomatike. Gjatë kësaj vizite dy-ditore, Ministri Hasani zhvilloi edhe takime të rëndësishme të karakterit ekonomik e tregtar. Gjatë takimeve u theksua rëndësia e forcimit të kuadrit ligjor institucional që nxit rritjen e bashkëpunimit ekonomik-tregtar mes dy vendeve.