Ish-kryedemokrati Lulzim Basha, I rikthyer në politikën active pas dorëheqjes, vijon turin e takimeve me qytetarët. Këtë të shtunë ai është ndalur në Gjirokastër, ku ka takuar kontributorë dhe miq të Partisë Demokratike, siç I quan ai. I rikthyer pas zgjedhjeve të 14 majit, Basha shprehet: “Ndryshimi i sistemit politik, i braktisur nga qytetarët në 14 maj, është prioritet që ne bashkëndajmë me shumicën dërrmuese të qytetarëve që nuk duan që gjërat të vazhdojnë kështu sic janë, nën hyqmin e një klase të vjetëruar politike, që është bërë mburojë e interesave të pak njerëzve, e jo të mirëqenies së përbashkët.” Po ashtu ai shprehet se qëndrimi krah për krah me aleatët ndërkombëtarë, është synimi i tij dhe PArtisë Demokratike, teksa premton lista të hapura. Kjo qëndresë është edhe prova më e madhe e vendosmërisë tonë për të sjellë një ndryshim rrënjësor për vendin duke hapur garën politike përmes: listave të hapura, garantimit të integritetit të politikanëve përmes vetting-ut, ekuilibrimit të jetës institucionale përmes kufizimit të mandateve të kryeministrit, nxitjes së pjesëmarrjes në jetën e vendit, të atyre që punojnë e sakrifikojnë jashtë kufijëve tanë, përmes garantimit të votës së diasporës”, thekson Basha.