Pas lajmeve të publikuara në medie të ndryshme, se Lulzim Basha po mbyllte zyrat e Koalicioniet Euroatlantik, parti me të cilën nuk arrit të merrte asnjë ulëse në Kuvendin e Shqipërisë, ka reaguar edhe zyra e saj e shtypit. Në një njoftim për mediet nga zyra e shtypit, thuhet se lajmet nuk janë të vërteta, por po bëhet një ndryshim ambientesh ku do të vijojë aktiviteti I tyre politik. “Për arsye organizative dhe me qëllim garantimin e mirëadministrimit të punës, jemi në proces ndryshimi të ambienteve ku do të zhvillohet aktiviteti ynë. Kjo nuk nënkupton heqje dorë nga kauza apo angazhimi ynë politik si Partia Demokratike – Demokratët Euroatlantikë.”, thuhet ndër të tjera. Poashtu në reagim thuhet se Basha vijojë përpjekjet për marrjen e partisë nga Berisha, dhe se Koalicioni Euroatlantik, ishte vetëm një mënyrë për të hyrë në zgjedhje.