Ish-kreu I PArtisë DEmokratike, Lulzim Basha, ka reaguar lidhur me propozimin socialist për kodin zgjedhor, ku nuk përfshihet hapja e plotë e listave. Në një postim në Facebook, Basha shkruan se sabotimi i listave të hapura dhe i votës së diasporës është kurorëzimi i një plani anti-demokratik kundër interesave të qytetarëve shqiptarë. “Sabotimi i listave të hapura dhe i votës së diasporës është kurorëzimi i një plani anti-demokratik kundër interesave të qytetarëve shqiptarë. Dështimi i Reformës Zgjedhore, kishte pikerisht këtë qëllim, që shqiptarët të mos zgjidhnin me votën e tyre deputetët në parlament dhe që të pamundësohet vota e shqiptarëve që jetojnë jashtë vendit.”, shkruan ndër të tjera Basha. Sipas Bashës, tashmë shqiptarët mund të shohin se kush është për lista të hapur e kush në bashkëpunim me Edi Ramën, duke shënjestruar kështu Berishën dhe përfaqësuesit e tij. Duke paralajmëruar një votim të këtyre propozimeve me dakordësi mes Ramës dhe Berishës. Basha I akuzon kundërshtarët se kanë frikë nga vota e lirë.