Deputeti demokrat Kreshnik Çollaku, ka reaguar ashpër pas vendimit të Konferencës së Kryetarëve për të rrëzuar kërkesën e tij për interpelancë, me justifikimin se është e përfshirë në mocionin me debat prej 5 orësh, në seancën e posaçme parlamentare për Kosovën. Sipas Çollakut, Rithemelimi bashkëpunoi me Ramën, për të mos lejuar llogaridhënien e tij për këtë çështje. Por pavarësisht këtij vendimi, Çollaku u shpreh se nuk do të lejojë çë Kryeministri t’i shpëtojë kësaj llogaridhënie. Nga ana tjetër Bardhi në emër të grupit të PD, shprehet se nuk ka asnjë marreveshje ne Konferencën e Kryetarëve, me PS-në për të rrezuar kërkesën e disa deputetëve për interpelancë me Kryeministrin për çështjen e Kosovës. Në konferencën e kryetarëve është rënë dakord që do jetë prezent në seancë Kryeminsitri dhe Ministri i Jashtëm për të dhënë sqarime. Në këtë rast Kryetari i Kuvendit ka shfrytëzuar nenin 89 pika 2 të rregullores duke i grupuar çështjet.