Mediat e huaja kanë publikuar fotot e dy shqiptarëve të arrestuar Franc Malo e Gentjan Meta. Dyshja e cilësuar si bosë të drogës u kapën me 2.2 ton kokainë në Peru, pak ditë më parë. Destinacioni përfundimtar I drogës ishte Holanda. Dy shqiptarët njiheshin me nofkat ‘Barbas’ dhe ‘Pelado’. Në nëntor të 2021 Malo e Meta hynë ilegalisht në Peru nëpërmjet Hunquilas, në kufi me Ekudorin. Që prej momentit kur u zbuluan nga autoritetet vendase atje, ata u mbajtën nën survejim. Ndjekja përfundoi me një operacion që u zhvillua të premten më 10 dhe të shtunën më 11 qershor në Trujillo dhe Callao. Franc dhe Gentjan kishin mbërritur në vend për t'u vendosur në Trujillo dhe për të eksportuar 2.2 ton kokainë të lëngshme të kamufluar në një ngarkesë, e cila synohej të dërgohej në një kontejner transporti me destinacion Roterdam, Holandë.