Banka në Kosovë raportuan 65 milionë euro fitime neto në pesëmujorin e parë të këtij viti. Shifra rekord është ndikuar kryesisht nga rritja e normave të interesit për kreditë. Në një raport të Bankës Qendrore të Kosovës thuhet se në muajin maj, të ardhurat totale të bankave ishin në vlerë të 157.5 milionë eurove. Prej tyre, gjithsej 118.1 milionë ishin vetëm nga interesat. Ndërsa, shpenzimet totale të këtij sektori për këtë periudhë ishin 91.6 milionë, kurse shpenzimet për interes ishin në vlerë të vetëm 13.3 milionë eurove. Ndërkohë, normat efektive të interesit në muajin maj mbetën në vlerën 6.5 për qind. Norma e interesit për kreditë familjare në këtë periudhë ishte 6.1 për qind njësoj si në prill, kurse për kredinë konsumatore 6.5 për qind. Norma për kreditë për bizneset u rrit në 6.8 për qind nga 6.5 për qind sa ishte në muajin prill të këtij viti.