6 Dhjetori shënon një ditë historike për Tiranën. Në sheshin Italia mbërrijnë liderët europianë duke filluar nga presidenti francez, Emmanuel Macron, kancelari gjerman, Olaf Scholz e deri tek presidenti i Këshillit Europian Charles Michel. I vetmi lider që do të mungojë është kryeministri i Spanjës, Pedro Sanchez. 44 delegacione dhe shumw media ndërkombëtare do të zbarkojnë në Tiranë për të ndjekur Samitin, i cili për herë të parë organizohet në një vend jo anëtar të BE-së. Axhenda europiane parashikon që mbërritja e liderëve të fillojë që prej orës 9 e 30, kur kryeministri Rama do të presë një nga një liderët europianë në sheshin italia. Ky moment pasohet nga firmosja e marrëveshjes së zerimit të tarifave Roaming ndërmjet vendeve të Ballkanit dhe Bashkimit Europian. Marrëveshje e shumëpritur dhe e kërkuar me ngulm nga Majlinda Bregu në cilësinë e sekretares së Këshillit të Bashkëpunimit Rajonal.