Një avion që mbante një ngarkesë misterioze radioaktive u detyrua të bënte një ulje emergjence në Rusi. Boeingu 737 i UTAir, me 109 pasagjerë, kishte 40 minuta që ishte nisur në fluturim kur u detyrua të kthehej pas. Pilotët u detyruan të bënin një ulje të frikshme, me shpejtësi të lartë, si pasojë e një defekti në avion. Ky i fundit deklaroi emergjencën në fluturim kur ishte në 1200 km lartësi dhe u kthye në aeroportin Vnukovo në Moskë. Por, pa ditur asgjë pasagjerët, avioni mbante edhe rreth 19 kilogramë materiale radioaktive që me gjasë po dërgohej në Khanty-Mansiysk, në siberinë perëndimore. Mediat ruse raportuan se ngarkesa e rrezikshme nuk ishte dëmtuar gjatë uljes së emergjencës. Materiali radioaktiv po transportohej me leje të vecantë. Khanty-Mansiysk është kryeqyteti i rajonit, ku në vitet 1980 kryheshin testet e nëndheshme bërthamore nga sovjetikët. Rusët shpërthyen një mjet bërthamor 2.5 kilotonësh në një bunker të nëndheshëm vetëm katër orë larg qytetit në 1985-ën. Ky ishte më i fundit në një seri emergjencash të frikshme me avionët, më shumë se një në ditë këtë muaj, në rusi. Në një incident të ngjashëm, një avion An-12 u detyrua të bënte ulje emergjence me tetë persona në bord në aeroportin Khurba në Komosomnolsk on amur. Arsyeja e emergjencës ishte e panjohur. Edhe shumë incidente të ngjashme janë raportuar së fundmi e një nga shkaqet janë sanksionet e perëndimit që po pengojnë mirëmbajtjen e avionëve për shkak të vështirësisë së sigurimit të pjesëve të këmbimit. Një ish pilot i kompanisë ruse Nordëind, tha së fundmi se shumë pilotë tani shpresojnë vetëm tek fati...