Arrestohen autorët e dyshuar për ekzekutimin e vëllezërve Haxhiaj në Durrës. Sipas burimeve policore, të arrestuarit janë Besian Xhixha dhe Enver Diva. Ata dyshohet se janë kontaktuar nga Nuredin Dumani për të kryer vrasjen e vëllezërve Besmir she Viktor Haxhiaj në prill të vitit të kaluar. Bashkëpunëtori i drejtësisë për këtë krim, Klevis Alla pati rrëfyer se shkak i vrasjes mendon se ka qenë një shumë parash, që Talo Çela e kishte grabitur në Rinas dhe e kishte lënë në ruajtje në servisin e vëllezërve Haxhiaj. Lekët e lënë në ruajtje ishin zhdukur ndaj dyshohet se u organizua vrasja e tyre. Policia, bazuar në të gjitha dëshmitë e të penduarit, sigurimin e provave dhe kërkimet për autorin, bëri të mundur arrestimin e tyre. Ndërkohë, që dosja me këtë krim të rëndë, ka zbardhur edhe ngjarje të tjera kriminale, për të cilat autorët ende nuk janë prangosur.