Një zarf me tre plumba ishte nisur për te Papa Françesku dhe kanë qenë oficerët e policisë ata të cilët e konfiskuan në zyrën postare në Milano, pasi zbuluan se çfarë kishte brenda. Autoritetet italiane në Milano deklaruan se Papës i është dërguar një zarf me tre plumba. Mbi zarf shkruhej: “Papa – Qyteti i Vatikanit, Piazza San Pietro, Romë”, dhe mësohet se ka ardhur nga Franca. Shënimi ishte shkruar me stilolaps në një mënyrë të palexueshme dhe i drejtohej drejtpërdrejt Papës. Zarfi, sipas asaj që është mësuar, përmbante tre fishekë të tipit Flobert, të kalibrit 9 milimetra. Sipas mediave italiane, dërguesi tashmë është identifikuar. Nga ajo që është mësuar nga burimet hetimore deri më tani ky person nuk është i panjohur për policinë pasi ai i ka dërguar letra Vatikanit edhe në të kaluarën. Për momentin hetuesit janë të përqendruar në lokalizimin e vendndodhjes së tij, nëse ai ndodhet në Francë apo në Sheshin e Shën Pjetrit në Romë.