Të tjera detaje janë bërë me dije lidhur me atentatin e ngritur ndaj 43 vjecarit Aleksandër Deda, të hënën në hyrje të Lezhës. Deda u qëllua me breshëri automatiku në momentin kur ka qenë duke dalë nga lokali I tij në qëndër të Lezhës, konkretisht pranë Lumit Drin. Policia njofton se 43 vjecari është qëlluar sapo ka dalë nga lokali nga një makinë në lëvizje, ndërsa plumbi ka prekur vetëm kapelen e tij. Deda është larguar menjëherë nga vendi i ngjarjes, duke mos bërë asnjë kallëzim në polici. Efektivët u njoftuan në rrugë operative, ku më pas janë angazhuar në kërkimin e shënjestrës, për të zbuluar detaje lidhur me atentatin e tipit mafioz. Mirëpo, ashtu sic ndodhi edhe me atentatin e dy viteve më parë, ku persona të paidentifukuar qëlluan sërish mbi Dedën, ky I fundit sërish nuk pranoi të bashkëpunonte me policinë, ndërsa është shprehur se nuk ka ka dijeni se kush mund të jenë atentatorët dhe se cili është qëllimi i këtij sulmi. Edhe pse 43 vjecari ka preferuar të rezervohet edhe kur bëhet fjalë për vetë jetën e tij, në tavolinë e grupit hetimorë është shtrirë një pistë, e cila lidhet edhe me atenatin e 1 dhjetorit të vitit 2020. Pista ka të bëjë me larjen e hesapeve, ndërsa kjo gjë forcohet akoma më shumë për faktin që Deda kishte vetëm një ditë që kishte kthyer në Shqipëri, e mesa duket atentatorët e kanë patur në monitorim këtë të fundit.