Policia e Shkodrës zbardh ngjarjen e ndodhur gjatë orëve të mbrëmjes së të enjtes në Velipojë. Policia ka njoftuar se dy të rinj janë vënë në pranga se tentuan të vrisni me armë zjarri dy persona të tjerë. Gjithashtu është shpallur në kërkim njëri prej përsonave që u qëllua me armë, pasi iu kundërpërgjigj me armë autorëve. Sipas policisë në përfundim të veprimeve të para hetimore u bë arrestimi në flagrancë i 28 vjeçarit Fajton Prela banues në Shkodër dhe 30 vjeçarit Albert Firkuccja banues ne fshatin Reç, Velipojë. Nga tërësia e veprimeve hetimore rezultoi se dy të arrestuarit, në bashkëpunim me njëri-tjetrin, në afërsi të një lokali në Velipojë, rreth orës 22:20 të mbrëmjes së të enjtes kanë tentuar të vrasin me armë zjarri, për motive të dobëta, shtetasit Indrit Heta 31 vjeç dhe një 36 vjeçari me iniciale G.M, të dy banues në Shkodër. Dy autorët e sulmit me armë pas ngjarjes, janë larguar në pyll, por janë kapur nga forcat e Policisë. Gjatë kontrollit u janë gjetur edhe disa doza me lëndë narkotike cannabis, të cilat u sekuestruan së bashku me automjetin Gjatë konfliktit, Indrit Heta, një nga personat e sulmuar ka qëlluar me armë zjarri pistoletë, duke dëmtuar mjetin me të cilin po largoheshin të dy autorët, për këtë arsye ai është shpallur në kërkim. Personi tjetër që ndodhej me të është plagosur lehtë nga të shtënat e dy autorëve dhe pas marrjes së ndihmës së parë është larguar në banesë