Elson Kalaveri është shqiptari i ekzekutuar me pistoletë mbrëmjen e së enjtes në Piza të Italisë. 36-vjecari ndodhej si pasagjer në një automjet tip Benz, kur autori i është afruar dhe ka qëlluar me pistoletë drejt tij. Kanë qenë ekspertët e policisë italiane ata të cilët kanë identifikuar viktimën dhe më pas kanë lajmëruar autoritetet shqiptare. Kalaveri, ashtu siç dhe u raportua është një person me precedentë të mëparshëm penalë. Ai ka plagosur një person me armë në vitin 2014. Konkretisht është përplasja me Gentian Keçin, një mik ku pas një konflikti me të, e goditi me plumb në kokë. Autori u arrestua nga policia dhe më pas gjykata e dënoi me burg. Sipas informacioneve Kalaveri kishte vetëm pak kohë që kishte përfunduar dënimin në Shqipëri dhe ishte zhvendosur drejt Italisë. Ndërkohë sa i përket vrasjes së tij, hetuesit dyshojnë se autori është shqiptar. Ai ka goditur disa herë me pistoletë në drejtim të Kalaverit duke e lënë të vdekur. Kamerat e sigurisë kanë filmuar momentin kur një automjet largohet me shpejtësinga vendngjarja, e cila sipas autoriteteve ka qenë e autorit. Personat të cilët janë gjendur aty në momentin e krimit janë marrë në pyetje nga policia në cilësinë e dëshmitarit.