Dy vrasjet më të fundit të stilit mafioz në Elbasan dhe Vlorë janë duke u hetuar jo vetëm nga Policia shqiptare, por edhe një njësi speciale e Europol, duke qenë se Shqipëria prej vitesh ka një marrëveshje të firmosur me këtë strukturë policore evropiane. Jo vetëm kaq, por duke qenë se të dy vrasjet e kanë zanafillën jashtë kufijve të Shqipërisë edhe hetimet po kryhen përtej tërritorëve gjerografikë. Numri dy i ministrisë së Brendshme, Besfort Lamallari thotë se vrasja e Bledar Birçajt në Vlorë dhe Everest Çakës në Elbasan po hetohet edhe nga jashtë vendit. Sipas Lamallarit, vrasjet kanë lidhje me grupe krimininale të cilët janë aktive brenda dhe jashtë vendit. Vrasjet konsiderohen si një nga veprat më të rënda, por gërryejnë edhe kapitalin social dhe njerëzor duke krijuar panik. Për fat të keq vënë në dyshim edhe besueshmërinë e institucioneve që janë aty për të garantuar jetën e njerëzve. Mbetet për t’u hetuar deri në fund – tha Lamallari, duke lënë të kuptohet se vrasjet janë produkt i grupeve kriminale që janë vepruar dhe veprojnë në kohë dhe vende të ndryshme. Ka një grup hetimor për të dy rastet si në Vlorë dhe në Elbasan që udhëhiqet nga policia dhe ka mbështetjen e policisë dhe oficerëve të policisë gjyqësore. Ka një bashkëpunim për të dyja rastet me Europol dhe bashkëpunim konkret me vendet e caktuara të BE ku mendohet se ka pika takime për ngjarjet konkrete”, u shpreh Lamallari. Por, Lamallari nuk la pas edhe vrasjen e Pjerin Xhuvanit, krim, që sipas tij njollosi procesin zgjedhor në Shqipëri.