Një ngjarje e rëndë ka ndodhur këtë të martë në qytetin e Kumanovës në Maqedoninë e Veriut, ku kandidati i Bashkimit Demokratik për Integrim, Zekirija Shahini është plagosur nga persona të maskuar në një atentat me armë zjarri. Sipas njoftimit zyrtar të partisë, Shahini është qëlluar me tre plumba në këmbë. Ai është dërguar menjëherë në spitalin e Kumanovës dhe mësohet se ndodhet jashtë rrezikut për jetën. Forcat policore dhe grupet hetimore janë në terren dhe po punojnë për zbardhjen e plotë të rrethanave si dhe për identifikimin e autorëve.